Tahkikat News مجلة الكترونية يومية شاملة
مقالات مشابهة
الشاب علي رمال لشقيقه ابراهيم: سامحني يا خيي نحنا مش مدعومين ما عم اقدر لاقيلك مستشفى
نشر الشاب علي رمال على صفحته على فايسبوك قضية انسانية مؤثرة جداً حيث انه لم يتمكن من العثور على مستشفى تستقبل شقيقه الذي يعاني من غيبوبة ووضعه حرج وذلك بحسب علي ” لاننا فقراء ومش مدعومين
اليكم ما نشره علي..
“سامحني يا خيي ما عم لاقيلك مستشفى مجهزة لحالتك ،سامحني يا خيي ما عم ساعدك بوقت الشدة يلي انت فيها.
سامحني يا خيي ما عم يطلع بئيدي ساعدك والله بأي طريقة ، سامحني يا خيي انو نحنا مش مدعومين وما عنا واسطة وما عنا حدا يعمل يعملك واسطة لفوت عمستشفى تكون جاهزة لتستقبل حالتك.
سامحني يا خيي من مبارح عم ببرم على المستشفيات وما كنت قادر امنلك غرفة عزل لحالتك السيئة جدا جدا جدا.
سامحني وسامح كل هل العالم يلي ساعدونا وما طلع معن شي لئن هني كمان ناس متلنا ما قلن حدا ومعترين ، مش رح قلك غير الله يكون حدك ويساعدك ويشفق عليك يا نور عيوني ونشالله الله يقومك من الغيبوبة يا رب…الحمدلله عكل شي.
بتمنى النشر من كل العالم خلي العالم كلا تشوف يلي ما عندو واسطة بهل بلد بموت والله وما حدا بتفرق معو…وااله لخرب الدني كرمالك يا ابراهيم والله”.
نكتفي بما قاله علي ، لأنه وجعنا اليومي في وطن يفتخر مسؤولوه أنهم أنجزوا وقدموا مشاريع قوانين ، وهم في باطن الأمور نهبوا الوطن بطريقة “محترمة” ، لا تليق سوى بتاريخ كل منهم الأسود.
فيا علي ، كان الله في عون أخاك ابراهيم ، ولا ندري متى يأتي الدور علينا ، في بلد الزعران والمرتزقة والمتآمرين والسارقين.
الثورة الشعبية وحدها من تعيد للوطن هيبته ، لإزالة كل الزعماء واقتلاعهم ورميهم في مقابر جماعية دون أسماء ولا أرقام ، لكي لا يترحم عليهم أو يتذكر أحد في يوم ما.
