Tahkikat News مجلة الكترونية يومية شاملة
مقالات مشابهة
رصد ومتابعة- شبكة تحقيقات الإعلامية
إنتشرت رسالة على موقع التواصل الإجتماعي “الفيسبوك” موقّعة من المواطنة سعاد الياس غريوس، والتي تطلب عبرها لقاءًا برئيس الجمهورية اللبنانية ميشال عون، لعرض مجموعة قضايا باتت تُشكل هاجساً أمام اللبنانيين
هذا ولاقت الرسالة تفاعلاً من الناس، بإنتظار ما يُمكن أن يتحقق بعد ذلك
النص الحرفي للرسالة
إلى فخامة العهد
اعني و بكل مسؤولية الرئيس ميشال عون
اولا اطالب بمقابلة خاصة مع فخامتك و صار ضروري يمكن حضرتك بتعرف انو لبنان مش شركة ولا لعبة و لا تمرير حصص و لا نسبة شوي الي و شوي الك
يمكن بتعرف صار وقت تأليف الحكومة يمكن بتعرف انو النفايات اكلتنا يمكن بتعرف عندك نواب بعتذر ما الهم نفعة بالبلد يمكن بتعرف انو في حدا بقلك لو ما نحن انت ما جيت و بدنا حقنا من الاتفاق. يمكن بتعرف انو في معاشات خيالية لموظفين مش موجودين او غيرهم اسم بس عسجلات الدولة يمكن بتعرف انو الطبابة عنا صار بدها لجنة أطباء يمكن بتعرف كل شي الفساد، الكهربا، سكة الحديد. النفط، الجمعيات الوهمية، و غيرها و غيرها و بتصور رح يكون الرد ما عم بيخلونا نشتغل. اذا بتعرف هول كلهم مصيبة و اذا ما بتعرف مصيبة اكبر. عهدك صار 3 سنين تقريبا ما شفنا شي صراحة ما بدي كذب اذا في امل بمقابلتك لانو اسمو قصر الشعب في كتير عالم حابين يسكنوا في مش كرمال شي بس كرمال وقفوا القروض السكانية المدعومة وهو اسمو قصرنا
ما رح زيد الا انو بتمنى الرد سريعاً. لانو القصة صار بدا. وبكل صراحة و مسؤولية اطالب بمقابلتك. و هيدا حقي و بيي ابن الدولة و المؤسسة العسكرية علمني ما اسكت عن حقي
انا اسمي سعاد الياس غريوس اطالب بمقابلة العهد الرئيس ميشال عون
حقي_شوف_العهد
