Tahkikat News مجلة الكترونية يومية شاملة
مقالات مشابهة
كتب المحامي والناشط المدني عبر صفحته على الفيسبوك التالي:
“هالمنشور عم اكتبو لجماعة التخوين…
فيكن بكل بساطة تلغوا الصداقة وتريحوا راسكن…
البلد رح يخرب؟
صح رح يخرب، بتعرفوا ليش؟
بسبب نهب مئات مليارات الدولارات من الحكومات المتعاقبة اللي ما شارك فيها الحراك،
البلد رح يخرب بسبب تحالفات قوى الخير والشر والعمالة معاً في الحكومة والانتخابات النيابية والنقابية،
البلد رح يخرب بسبب المطامر اللي زرعتوهن بين الناس، كلكن سوا، و1100مكب زبالة عم تحرقوهن بين الناس،
البلد خرب بسبب تلوث نهر الليطاني نتيجة الغطاء السياسي للفاسدين من قبل احزاب السلطة،
البلد خرب بسبب سياسة المحارق اللي وافقتوا عليها لقتل الناس،
البلد خرب بسبب تمديدكم وتجديدكم لحاكم مصرف لبنان،
البلد خرب بسبب قانونكم الانتخابي اللي فصلتوه على قياسكم وأقصيتم بموجبه الاخرين،
البلد خرب بسبب اصراركم على تجاهل مطالب نص الشعب اللبناني بالاستقالة.
البلد خرب بسبب…
بدكن كفي؟
خلص خفوها علينا.
سألتوا وين قيادات الحراك وشو أهدافه،
هيئة تنسيق الثورة هي نموذج تنسيقي لبعض مجموعات الحراك اللي بمثلوا حالن مش كل الشعب وقدموا عدد من الاهداف والمطالب… مش هيك طلب سماحة السيد ؟
كل النهار نازلين شي تخوين، شي فلسفة، شي نقل منشورات باطلة… وبعدين؟”.
