كشف الإعلامي جو معلوف في تغريدة على حسابه عبر “تويتر”،
أن “بوصول الإصابات على لبنان، في معلومات انو من اسبوعين تسفّر من لبنان فوق ال ٤،٥ طن كمامات كانت موجودة بمستودعات اللي بيستوردوا معدات طبية وتمت المتاجرة فيهن، والمعلومات بتقول انو تم تبليغ المعنيين”.
وأضاف، “للأسف لهاللحظة ما صدر قرار متل دول الخليج ومصر بمنع خروج كمامات من البلد!
والسؤال الأهم، لما لبنان ما بصنّع كمامات وبيستوردهن، ولما حالياً عمنسأل بالصيدليات، وما في اي أثر لهالكمامات، مين يتحمل مسؤولية تبعات عدم اتخاذ إجراءات استباقية لحماية صحة المواطن اللبناني؟!”.
هذا وارتفعت اسعار علب الكمامات بشكل خيالي بعد دقائق على اعلان وزير الصحة تسجيل اصابتين بفيروس كورونا في لبنان، حيث ارتفعت ما يقارب 200% سعر علبة الكمامات، مع انها قديمة ومتواجدة في المستودعات وغير مستوردة عما جديد.